Ol GJP MP i fulfilim promis blong ripotem alokesen spending

Long 2012 jenerol eleksen, GJP i bin mekem wan promis olsem:

GJP hemi onli politikol pati long Vanuatu we bambae hemi didaktem ful MP alokesen aot long salari blong MP mo yusum evriwan blong mitim ol nid blong komuniti mo mekem ripot blong hem afta.

MP mo komiti blong hem bae oli no kontrolem alokesen - bae Eksekutiv blong Pati nomo i risivim ol rikwes we komiti blong MP i apruvum mo givimaot mane folem ol rikwes ia.  

Eksekutiv bae i rikodem evri mane we hemi givimaot, mo long stat blong evri yia bae i putumaot wan ripot blong spending blong alokesen blong MP long las yia olsem wan posta we bae oli save hangem long evri ples long konstituensi.  

Fasen ia, Foma MP Ralph Regenvanu i stap mekem finis long las 4-yia term 

Naoia evri 4 MP we oli bin elekted long tikit blong GJP oil prodyusum posta blong spending blong alokesen blong olgeta blong 2012 mo 2013 we i soem se evri MP i spendem moa long 3 million vatu alokesen long wan yia ia.  

Yu save luk mo daonlodem ol posta ia long - OL RIPOTS

Foto hemi soem ol 4 MP wetem alokesen spending ripot blong olgeta blong 2012-2013.

MP David Tosul we hemi jas joenem pati afta long 2012 eleksen bae hemi jas mekem posta blong hem nekis yia.