Hon. William Fred Tasso I Tekem-Bak Posisen Blong Presiden Blong Malampa Provins Blong Nambatu Term

Long moning tede (namba 3 March 2015), ol kaonsela blong Malampa Provins oli elektem bakagen GJP Kaonsela William Fred Tasso olsem Presiden blong Malampa Provinsel Gavman. Tasso i bin holem posisen blong President blong las 2 yia finis.
GJP i bin tekem posisen blong Presiden blong Malampa Provins afta long las provinsel eleksen long 2013, mo naoia hemi karem bakagen blong holem kasem en blong 4-yia term blong Provinsel Gavman.

Ol 4 narafala pati we oli formem gavman wetem GJP i gat NUP, PPP, UMP mo MPP.

NUP i karem posisen blong Vaes-Presiden, UMP i karem 1st Vaes Presiden mo PPP i karem 2nd Vaes Presiden.