GJP i karem 1st Deputi Lord Mayor long Luganville

Folem wan longfala dilei afta long Luganville Munisipol Eleksen long 21 Julae finis, ol niufala elekted kaonsela blong Luganville oli jas mit tede long moning blong elektem niufala Lord Mayor.

Folem wan MOA bitwin NUP, HOPE (pati blong MP Kalfau Moli), Nagriamel mo GJP, Mr Edwin Aprimen blong NUP i tekem posisen blong Lord Mayor, Mr Patty Peter blong HOPE i karem posisen blong Deputi Lord Mayor, mo Mr Walla Rongo blong GJP i karem posisen blong 1st Deputi Lord Mayor.

Long taem blong saening blong MOA, mifala i bin agri blong putum wan woman olsem Lord Mayor, be afta sam blong ol kaonsela nomo insaed long NUP i bin jenisim tingting ia.

Bae GJP i sapotem Kaonsela blong yumi, Wala Rongo, blong wok wetem niufala Kaonsel blong traem leftemap standad blong gavenens long Luganville taon.