GJP i Winim 6 MP

Ofisal Risal blong 2016 Snap Jenerol Eleksen we i jas kamaot tede i soem se GJP i winim 6 MP.
 
I minim se GJP i winim sem namba blong ol MP olsem VP mo UMP - trifala pati ia i winim hae-est namba blong MP long eleksen ia, 6 each.
Long 2012 eleksen, GJP i bin winim 4 MP, so hemi wan 50% inkris long las eleksen.

Ol 6 MP blong yumi i gat:

1. Andrew Napuat long Tanna
2. Ralph Regenvanu long Port Vila
3. William Fred Tasso long Paama
4. Albert Williams long Ambrym
5. John Sala long Malekula
6. Alfred Maoh long Santo.
 
Long Efate, Epi, Malakula mo Malo, GJP kandidet i bin "runner up" long las jea blong konstituensi - long Efate Gillion William i kam namba 5, long Epi Mackin Valia i kam namba 3, long Malekula Daniel Nalet i kam namba 8 mo long Malo Uri Warawara i kam namba 2.
 
Tankyu tumas long yufala evriwan we yufala i bin vot from wan blong olgeta kandidet ia, mo tankyu tu long yufala evriwan we i bin vot long wan narafala GJP kandidet long eleksen ia.