MP Ralph Alokesen Posta 2015 & 2016

Long Fraede 30 June 2017, MP Ralph Regenvanu i bin ofiseli lonjem ol alokesen posta blong hem blong 2015 mo 2016.

Lonjing blong ol aloksen posta ia i part blong "spesel promis" blong GJP long las eleksen:
 
Karemaot 2 million vatu long salari blong MP mo ademap wetem alokesen mo yusum evri mane ia blong mitim ol nid blong komuniti mo mekem ripot blong hem afta. 
MP mo komiti blong hem bae oli no kontrolem alokesen - bae Eksekutiv blong Pati nomo i risivim ol rikwes we komiti blong MP i apruvum mo givimaot mane folem ol rikwes ia. 
 
Eksekutiv bae i rikodem evri mane we hemi givimaot, mo long stat blong evri yia bae i putumaot wan ripot blong spending blong alokesen blong MP long las yia olsem wan posta we bae oli save hangem long evri ples long konstituensi. 
 
Fasen ia, ol MP blong GJP nomo oli stap mekem, i nogat narafala pati.

Yu save luk mo daonlodem kopi blo tufala posta long ples ia.