Graon mo Jastis Pati

 Folem Mifala lo Faceboopk

Hon. Gillion Williams I Lonjem 2013 Alokesen Ripot

MP Gillion Williams, MP blong Efate mo blong Graon mo Jastis Pati (GJP), hemi ofiseli lonjem ripot blong spending blong alokesen blong hem blong yia 2013 long Fraede 27 Jun 2014 long Lelepa Aelan. 

Folem fulap palamen mo gavman we i pas, hemia hemi makem wan bigfala milestone long laef blong ol people blong Efate Aelan blong save gat wan klia ripot long ol spending blong wan MP Allocation olsem.

MP Gillion Williams hemi bin elected long 2012 elesksen mo hemi stap fulfilim bigwan wanem we polisi blong GJP hemi stap stanap strong long hem blong mas mekem wan ripot evri yia long alokesen spending blong hem.  Ripot ia hem i kamaot olsem wan posta, mo hemi kavremap period stat long Novemba 2012 (taem MP hemi stat blong kasem salari) kasem long 31 Disemba 2013.

Graon mo Jastis Pati hemi only politikol pati long Vanuatu we hemi didaktem 2,000,000 vatu aot long salari blong wan MP long wan yia mo ademap wetem alokesen blong yusum blong lukluk long nid blong ol komuniti mo ol vota, mo afta mekem wan ripot i go bak long komuniti blong oli save luksave se alokesen blong olgeta i stap spend i go wea.

Wan long ol polisi blong GJP hemi blong yusum 750,000 vatu evri yia long wan scholarship skim we bae i save gvhan long edukesen blong ol pikinini blong yumi.  Hemia tu, MP Gillion Williams i bin mekem mo i stap tu insaed long ripot blong hem blong 2013.

Long toktok blong hem, MP Gillion hemi acknowledgem ol jif, ol jioj lida, ol lida blong ol mama mo ol lida blong ol yut se hemi no easy blong save fulfilim wish blong evri memba blong komuniti be hemi hop mo trast se wetem smol funds we hemi entaetol long hem we amaon blong hem hemi 3,000,000 vatu long wan yia bae i save kontribut blong leftemap laef blong wan-wan memba blong komuniti.

Long 2013, MP Gillion Williams i bin spendem wan total amaon blong 4,213,912 vatu.  Ol mane ia oli go towods fulap nids olsem skolaship skim, kappa blong ruf blong ol jioj mo komuniti haos, ol program blong ol event olsem jioj kamp mo crusade, ol unifom blong sports, ol grass cutter mo samfala moa.

MP Gillion Williams hemi strongly appeal i go long ol narafala politikol pati tu se fasin blong mekem ripot i bak long ol komuniti hemi wan Christian fasen mo fasen blong transparensi mo hemi hop se ol narafala pati long fiuja bae oli folem semak fasen blong leadership olsem.

  • Created on .

Copyright ©2019 - All Rights reserved Graon Mo Jastis Pati - Vanuatu