Lo ples ia yu save luk ol alokesen ripot blong wanwan memba blong GJP we i stap long Palamen mo i stap risivim MP alokesen. Eniwan we hemi intres blong lukluk mo daonlodem ol ripot ya, yu save klik long ol "Download" button blo wanwan ripot.

GJP hemi onli politikol pati long Vanuatu we bambae hemi didaktem ful MP alokesen aot long salari blong MP mo yusum evriwan blong mitim ol nid blong komuniti mo mekem ripot blong hem afta.

MP mo komiti blong hem bae oli no kontrolem alokesen - bae Eksekutiv blong Pati nomo i risivim ol rikwes we komiti blong MP i apruvum mo givimaot mane folem ol rikwes ia. 

Eksekutiv bae i rikodem evri mane we hemi givimaot, mo long stat blong evri yia bae i putumaot wan ripot blong spending blong alokesen blong MP long las yia olsem wan posta we bae oli save hangem long evri ples long konstituensi.